Пераменная воблачнасць, пераважна без ападкаў чакаецца ў Беларусі ў суботу, 28 красавіка. Пра гэта агенцтву БЕЛТА паведамілі ў Рэспубліканскім цэнтры па гідраметэаралогіі, кантролі радыеактыўнага забруджвання і маніторынгу навакольнага асяроддзя Мінпрыроды.
Вецер прагназуецца заходні з пераходам на паўднёвы. Уначы ён будзе слабы, удзень 4-9 метраў за секунду, па захадзе парывы да 12 метраў за секунду.
Тэмпература паветра ўначы будзе +1...+7 градусаў. Удзень чакаецца ад 14 да 20 вышэй за нуль, па паўднёвым захадзе краіны — да 21-23 цяпла.