20 верасня ў Мінску і іншых беларускіх гарадах праходзіць шостая па ліку нядзельная акцыя салідарнасці. Гэтым разам гэта Марш справядлівасці.
Традыцыйна ад раніцы ў цэнтр сталіцы пачалі сцягвацца сілавікі і вайсковая тэхніка. Металічнымі рамкамі, калючым дротам альбо кардонам з вайскоўцаў перакрытыя плошчы Незалежнасці, Кастрычніцкая, Перамогі, Стэла, Палац незалежнасці. Перакрыты транспартны рух па праспектах Пераможнацаў, Пушкіна (ад Альшэўскага ў бок цэнтра), ад Бангалору дў кірунку вуліцы Арлоўская.
Слухачы @euroradio распавядаюць, што ў дыпламатычным гарадку ў Драздах заўважылі некалькі міліцэйскіх бусаў і як мінімум адзін "Рубеж". Шмат міліцыі з боку вёскі Зацань.
А 13-й гадзіне Мінскі метрапалітэн "у мэтах забеспячэння бяспекі пасажыраў" зачыніў на ўваход і выхад станцыі метро "Плошча Леніна", "Кастрычніцкая", "Плошча Перамогі" і "Плошча Якуба Коласа" на першай галінцы, і "Купалаўскую" з "Нямігай" на другой. Цягнікі праходзяць праз гэтыя станцыі не спыняючыся.
Да удзельнікаў "Марша справядлівасці" праз адвакатку звярнулася Марыя Калеснікава, якая цяпер знаходзіцца ў турме ў Жодзіна:
"Свабода вартая таго, каб за яе змагацца. Не бойцеся быць свабоднымі! Моцна абдымаю і люблю. Вялікі дзякуй сям'і, сябрам, блізкім і ўсім, хто нас падтрымлівае. Дзякуй міжнароднай супольнасці і культурнай супольнасці за падтрымку і салідарнасць. Я шчаслівая быць беларускай. Вы неверагодныя! Я ні пра што не шкадую і паступіла б так жа".
Людзі па-ціху збіраюцца ў раёне Нямігі і плошчы Свабоды. Іх не шмат. Яны не затрымліваюцца і адразу ідуць да Стэлы, Журналісты паведамляюць пра аўтазакі і бусы з людзьмі ў цывільным у розных канцах горада. Людзей не шмат. з
Пачаліся затрыманні ў Нямізе, дзе збіраюцца пратэстоўцы. Сюды прыехалі аўтазакі і бусы з людзьмі ў цывільным.Таксама паведамляецца, што людзей затрымліваюць "кропкава" на плошчы Якуба Коласа і Акадэміі навук.
Між тым Маршы Справядлівасці праходзяць у Гродне і Гомелі.
У Гродне і ў Гомелі на Маршах справядлівасці адбыліся затрыманні, але пры розных абставінах. Гродзенскі АМАП высыпаў на пратэстоўцаў і разагнаў іх. А гомельскія пратэстоўцы, наадварот, прадралі АМАПаўскі кардон, які перашкаджаў ім прайсці.
У Мінску пратэстоўцы збіраюцца Стэлы, цяпер яны на скрыжаванні побач з гасцініцай "Юбілейная". Іх увесь час суправаджаюць сілавікі, паведамляе карэспандэнт @euroradio.
Як толькі ўтвараецца хаця б невялікая калона, пад'язжаюць аўтазакі, з іх выскокваюць людзі ў чорным і разганяюць яе. Пратэстоўцы разыходзяцца, а пасля збіраюцца зноў.
З калонак, развешаных па слупах навокал Стэлы, улады ўключылі на ўсю гучнасць песні "Мама Беларусь" і "Любимую не отдают".
Нягледзячы на перашкоды, ля Стэлы ўжо дзясяткі тысяч чалавек.
Марш справядлівасці змяніў маршрут. Калона павярнула на вуліцу Ігнаценкі, а адтуль пайшла ў цэнтр горада.
Брэст. Сілавікі ўжываюць супраць пратэстоўцаў слезацечны газ. Людзі абараняюць адзін аднаго ад праваахоўнікаў. Выглядае ўсё вельмі жорстка.
To see this content visit the full version of this page.