Невядомая асоба разліла 250 г іртуці ў парку Перамогі ў Рэчыцы, піша мясцовая газета "Дняпровец".
Ратавальнікі атрымалі звесткі пра небяспечнае рэчыва ў грамадскім месцы ўдзень 18 снежня. У парку каля помніка супрацоўнікі МНС выявілі два ачагі разлітай іртуці — плошчай 0,5 кв.м і 1 кв.м.
Небяспечнае рэчыва сабралі і даставілі ў Рэчыцкі РАНС. Разбірацца з тым, што здарылася, будуць праваахоўныя органы.