Ва ўкраінскім горадзе Крывы Рог настаўнік на ўроку харэаграфіі заклеіў сямігадовым дзецям раты скотчам. Перад гэтым ён рабіў заўвагі школьнікам за размовы, але яны не рэагавалі. У выніку да заканчэння ўроку дзеці былі з заклеенымі ратамі, інфармуе УНІАН.
Бацька адной з дзяўчынак, удзельнік антытэрарыстычнай аперацыі на Данбасе, заявіў, што ўчынак настаўніка прынізіў годнасць дзіцяці. Ён мае намер дамагацца, каб настаўніка пакаралі.
Сёння стала вядома, што настаўніца малодшых класаў, якая ў Смаленску на ўроку заклеіла скотчам рот вучню (ён размаўляў з аднакласнікам), звольнілася на ўласнае жаданне. Яна папрасіла прабачэння за свой учынак у вучняў і іх бацькоў.