На межах Беларусі з Еўрасаюзам па-ранейшаму стаяць вялікія чэргі з фураў, якія выязджаюць з нашай краіны, паведамляе Дзяржаўны памежны камітэт.
Набольшыя чэргі ўтварыліся на мяжы з Літвой: тут сваёй чаргі на выезд чакаюць амаль 1250 вялікагрузных аўтамабіляў (па стане на 10.00). У Катлоўцы стаяць 130 фураў, у Каменным Логу — 650, у Беняконях — 264, у Прывалцы — 195.
На мяжы з Латвіяй чакаюць у чэргах 320 фураў, на мяжы з Польшчай — каля 190.
Затое на беларуска-польскай мяжы ўтварыліся значныя чэргі з легкавікоў — іх сабралося каля 370: у Брузгах — 140, у Бераставіцы — 86, у Брэсце — 100, у Дамачаве — 40 у Пясчатцы — 5.