Рыгор Кастусёў на судзе / sb.by
На волю выйшаў 67-гадовы палітвязень Рыгор Кастусёў, былы старшыня Партыі БНФ. Пра гэта паведамляе Радыё "Свабода" са словаў яго зяця Дзмітрыя Антончыка.
Кастусёў знаходзіўся за кратамі больш за тры гады — з красавіка 2021-га. У верасні 2022-га яго прызналі вінаватым у "змове з мэтай захопу дзяржаўнай улады" і асудзілі на 10 гадоў калоніі.
У зняволенні ў палітыка абвастрыліся праблемы са здароўем — у яго выявілі анкалагічнае захворванне. У красавіку яму рабілі аперацыю па вывядзенні катэтара з мачавіка, пасля якой адразу перавялі ў турэмную камеру.
Кастусёў — гэта адзіны палітвязень, пра чый выхад дакладна вядома. Праваабаронцы паведамляюць, што на волю выйшлі яшчэ некалькі чалавек, але іх імёны не называюць. Пра вызваленне некаторых палітвязняў напярэдадні паведаміў Лукашэнка.
Каб сачыць за галоўнымі навінамі, падпішыцеся на канал Еўрарадыё ў Telegram.
Мы штодня публікуем відэа пра жыццё ў Беларусі на Youtube-канале. Падпісацца можна тут