У сераду, 17 траўня, на “Полацк-Шкловалакне” адбыўся пажар. Ратавальнікі атрымалі паведамленне пра яго пасля 17-й гадзіны. Як інфармуе сайт ximik.info, гарэў цэх № 12, на якім вырабляецца шкловалакно. Відавочцы кажуць, што цалкам згарэла адна печ і часткова іншая. Адзначаецца, што сярод цэхаў прадпрыемства ў 12-м самая адсталая тэхналогія.
Пажар аператыўна ліквідавалі, пацярпелых няма. Прычына ўзгарання пакуль невядомая.