У панядзелак на мяжы Беларусі з Літвой і Латвіяй на выезд стаялі больш за тысячу аўтамабіляў. Пад вечар чэргі крыху зменшыліся. А 18-й гадзіне на выезд у Літву ў чатырох пунктах пропуску стаялі 850 грузавікоў, на выезд у Латвію ў двух пунктах — 290. Пра гэта інфармуе прэс-служба Дзяржаўнага памежнага камітэта Беларусі.
Прычынай з’яўлення чэргаў называецца замена літоўскай мытняй праграмнага забеспячэння.