У панядзелак каля 10-й гадзіны на 36-м кіламетры ўнутранага кола МКАД адбылося ДТЗ. Як паведамляе прэс-служба мінскай ДАІ, Volkswagen ехаў з боку Казіміраўскай вуліцы ў бок вуліцы Масюкоўшчына. У нейкі момант машына сутыкнулася з раздзяляльнай агароджай і спынілася.
Паводле папярэдняй інфармацыі, 63-гадоваму кіроўцы стала кепска падчас руху. Ён памёр. На месцы здарэння працавалі следчыя.
Каб сачыць за галоўнымі навінамі, падпішыцеся на канал Еўрарадыё ў Telegram.
Мы штодня публікуем відэа пра жыццё ў Беларусі на Youtube-канале. Падпісацца можна тут