Аварыя на МКАД / прэс-служба МНС
Буйная аварыя адбылася на 1-м кіламетры МКАД 31 траўня каля 13:00, паведамляе прэс-служба ДАІ.
У грузавога аўтамабіля з паўпрычэпам IVECO лопнула кола. 38-гадовы кіроўца не справіўся з кіраваннем: машына знесла раздзяляльную агароджу паміж знешнім і ўнутраным колцамі і выехала на сустрэчную паласу, дзе сутыкнулася з аўтамабілямі Nissan, Mazda, Dodge і Tesla.
Прэс-служба МНС паведамляе, што ратавальнікам давялося дэблакаваць пасажырку з легкавога аўтамабіля. Даішнікі ўдакладняюць, што ў лякарню для абследавання даставілі дваіх пасажыраў аўтамабіля Nissan — 99-гадовую жанчыну і 75-гадовага мужчыну.
Каб сачыць за галоўнымі навінамі, падпішыцеся на канал Еўрарадыё ў Telegram.
Мы штодня публікуем відэа пра жыццё ў Беларусі на Youtube-канале. Падпісацца можна тут