Аварыя на Гомельскім хімзаводзе / МНС
У ноч на 6 кастрычніка на Гомельскім хімзаводзе адбылася ўцечка аміяку, паведамляе прэс-служба МНС.
Работнікі МНС уначы атрымалі паведамленне пра ўцечку прыкладна 50 кг аміяку на адкрытай пляцоўцы склада. Далейшы выхад рэчыва ратавальнікі спынілі, перакрыўшы засаўку.
Пасля гэтага ратавальнікі і персанал склада асадзілі пары аміяку і нейтралізавалі рэчыва. Праведзеныя замеры не паказалі перавышэння гранічна дапушчальнай канцэнтрацыі пароў аміяку ў паветры.
На месцы інцыдэнту працавалі 13 машын і 46 работнікаў МНС.
Пацярпелых пры здарэнні няма. Прычына інцыдэнту высвятляецца. У Гомелі стварылі гарадскую камісію па надзвычайных сітуацыях.
Каб сачыць за галоўнымі навінамі, падпішыцеся на канал Еўрарадыё ў Telegram.
Мы штодня публікуем відэа пра жыццё ў Беларусі на Youtube-канале. Падпісацца можна тут