У бліжэйшыя суткі, 25 сакавіка ў Беларусі чакаецца надвор’е з пераменнай хмарнасцю, без ападкаў.
Раніцай у асобных раёнах будзе слабы туман, месцамі на дарогах галалёдзіца. Вецер будзе паўднёва-заходні — уначы слабы, удзень умеркаваны, на поўначы парывісты.
Тэмпература паветра ўначы і раніцай складзе мінус 2-8 градусаў, на паўднёвым усходзе чакаецца да 10 градусаў марозу. У другой палове дня прагназуецца 4-10 градусаў цяпла, перадае БЕЛТА са спасылкай на Белгідрамет.