Мінск, Тбілісі, Варшава. Дзе беларусам адзначыць Дзень роднай мовы

21 лютага ў свеце адзначаецца Міжнародны дзень роднай мовы. Еўрарадыё паглядзела, якія святочныя мерапрыемствы чакаюць беларусаў у Беларусі і па ўсім свеце.

Лекцыі і дыктоўкі ад Інстытута мовазнаўства

У Беларусі мерапрыемствы ў асноўным будуць праходзіць у школах і ўніверсітэтах.

Больш за ўсё актыўнасцяў падрыхтаваў Інстытут мовазнаўства НАН імя Якуба Коласа.

Напрыклад, у 11:00 інтэрактыўную навукова-папулярную лекцыю "Па старонках беларускай пісьмовай спадчыны" правядуць супрацоўнікі Інстытута для старэйшых класаў 22-й школы ў Мінску.

А крыху пазней у Цэнтральнай бібліятэцы імя Якуба Коласа НАН пройдзе рэспубліканская дыктоўка па беларускай мове.

Бясплатныя квіткі ад лукашэнкаўскіх купалаўцаў

Праўладныя купалаўцы абвясцілі розыгрыш двух квіткоў на "Паўлінку". Каб стаць удзельнікам конкурсу трэба зрабіць рэпост паста пра акцыю ў сваю гісторыю ў Інстаграме, адзначыць там акаўнт тэатра і напісаць каментар.

Далей усіх ахвотных чакае прэзентацыя кнігі "Як гавораць беларусы", а таксама традыцыйная дыктоўка.

Пачатак — а 18:00 каля ECS, а дзверы MARA HUB адчыняцца ў 18:30.

Канцэрт у Тбілісі

Тбілісі адзначыць Дзень роднай мовы разам з украінцамі. Арганізатары заяўляюць, што ў планах тэматычны квіз, выступ гурта "Каліта" і ўдзел у дабрачынным аўкцыёне.

Пачатак — у 19:30, уваход вольны. Тбілісі, бар Tiki, 5 Vashlovani St. 

Філадэльфія і Дзень роднай мовы

У Філадэльфіі гэты дзень адзначаецца ў Беларускім грамадскім цэнтры.

У праграме — напісанне міні-дыктоўкі, песні на беларускай мове, а таксама размовы і знаёмствы.

З арганізатараў — гарбата, з гасцей — прысмакі.

Пачатак — а 19:00, уваход вольны.

Паэзія і песні ў Вільні

У Вільні на святкаванне Дня роднай мовы таксама вельмі вялікая праграма. Для гасцей выступяць беларускія гурты "Беларускі Цуд", "Гудаграй", "Гоман", "Світанак", "Пацеркі", "Валошкі", "Ойра".

А для гледачоў выступяць Сяржук Сыс, Ілля Міронаў, Анатоль Хіневіч і іншыя.

Пачатак 22 лютага — а 15:00, уваход вольны. Вільня, Raugyklos, 25.

Квіз у Кракаве

Віктарына аб мовах, народах і культурах свету, а таксама інтэрактыўныя гульні ад паліглотаў падрыхтавала да Дня роднай мовы кракаўская пляцоўка "Прастора".

Пачатак 22 лютага — у 18:30, уваход вольны. Кракаў, ul. Mikołajska 4/6.

Таксама сачыць за беларускімі мерапрыемствамі па ўсім свеце можна з дапамогай @Budzma_razam_bot у Тэлеграме.