Радаслаў Сікорскі / pap.pl
Міністр замежных спраў Польшчы абмеркаваў у Дзярждэпе ЗША вызваленне журналіста Анджэя Пачобута, які адбывае тэрмін зняволення ў Беларусі. Паводле Радаслава Сікорскага, перамовы "вельмі важныя ў кантэксце змешчаных у турму дзеячаў беларускай апазіцыі".
Сустрэча Сікорскага са спецыяльным прадстаўніком Джо Байдэна ў справах закладнікаў прайшла ў межах візіту кіраўніка польскага МЗС у ЗША. Перад тым кіраўнік польскага МЗС кансультваўся ў справе палітвязняў са Святланай Ціханоўскай.
29 жніўня Сікорскі паведаміў, што для вызвалення асуджанага ў Беларусі па палітычных матывах журналіста і актывіста Саюза палякаў Анджэя Пачобута Польшча "спрабуе розныя ідэі". Праўладная прапаганда ў адказ прапанавала яму асабіста прыехаць і забраць Пачобута з турмы.
Каб сачыць за галоўнымі навінамі, падпішыцеся на канал Еўрарадыё ў Telegram.
Мы штодня публікуем відэа пра жыццё ў Беларусі на Youtube-канале. Падпісацца можна тут