Расійская газета "Ведомости" са спасылкай на ананімную крыніцу ў Мінабароны дала каментар наконт расійскай вайсковай прысутнасці ў Сірыі. Паводле гэтага паведамлення, расійскія вайсковыя спецыялісты і тэхніка на сірыйскім аэрадроме ў Латакіі і ў пункце матэрыяльна-тэхнічнага забеспячэння флоту ў Тартусе займаюцца рамонтнымі работамі.
Паведамляецца, быццам кепскі стан аб'ектаў перашкаджае ўзброеным сілам Сірыі дастаўляць гуманітарную дапамогу, а таксама ўзбраенні і боепрыпасы.
Расійскія прадстаўнікі падкрэсліваюць, што не вядзецца гаворка аб разгортванні авіяцыйнай групоўкі расійскіх узброеных сілаў.
Раней заходнія выданні і агенцтва апублікавалі звесткі Пентагона, што на аэрадроме ў Латакіі ствараецца расійская ваенная база і туды маглі быць дастаўленыя танкі Т-90 і артылерыя.
Фота: Reuters