Ужыць зброю давялося міліцыянтам у Пружанскім раёне пры ўтаймаванні хулігана, паведамляе прэс-служба УУС Брэсцкага аблвыканкама.
На нумар 102 затэлефанавала 37-гадовая жыхарка вёскі Слабудка. Яна распавяла, што грамадзянскі муж пагражае ёй сякерай. На месца здарэння адправіліся міліцыянты.
Каля шматпавярховіка яны пабачылі мужчыну з сякерай. Міліцыянты запатрабавалі пакласці сякеру на зямлю і добраахвотна здацца. Аднак мужчына пайшоў у іх бок з сякерай у руках.
Праваахоўнікі некалькі разоў стрэлілі ў паветра для папярэджання. Пасля гэтага мужчына спалохаўся і паспрабаваў уцячы ў бок гаражоў. Але мінак, які ішоў яму насустрач, дапамог міліцыянтам затрымаць яго.
Выявілася, што раней судзімы мужчына быў п'яны. Праваахоўнікі праводзяць праверку інцыдэнту.
Каб сачыць за галоўнымі навінамі, падпішыцеся на канал Еўрарадыё ў Telegram.
Мы штодня публікуем відэа пра жыццё ў Беларусі на Youtube-канале. Падпісацца можна тут.