Войска чыноўнікаў Лукашэнкі
Аляксандр Лукашэнка абавязаў топавых беларускіх чыноўнікаў пры прызначэнні праходзіць медычнскі агляд. У спісе "падлеглых" працэдуры — прэм'ер і яго намеснікі, старшыні Канстытуцыйнага і Вярхоўнага суда (і іх намеснікі), кіраўнік Адміністрацыі прэзідэнта, амбасаданы, старшыня КДК, КДБ і генпракурор (са сваімі намеснікамі) памочнікі прэзідэнта і нават яго прэс-сакратар. Увогуле, усе, хто яго акружае.
Цікава, што ў пераліку медычнскіх аглядаў пры іх прызначэнні на пасаду няма пасады прэзідэнта. Гэта значыць (на дадзены момант) самога Лукашэнкі. Няма там і пасады старшыні Усебеларускага народнага сходу, на якую, паводле адной з версій, Лукашэнка хоча прамяняць прэзідэнцкае крэсла.
Некаторыя чыноўнікі, якія займаюць пасады са спісу, наўрад ці змогуць прайсці медычнскі агляд. Напрыклад, 80-гадовы старшыня Вярхоўнага суда, юрыст Валянцін Сукала па інфармацыі СМІ яшчэ нядаўна знаходзіўся ў шпіталі з сур'ёзным дыягназам. І наўрад ці гэта адзінкавы прыклад: не ўсе лукашэнкаўскія чыноўнікі — такія палітычныя доўгажыхары, але і са здароўем ідэальна не ва ўсіх.
Указ "Аб медычнскім аглядзе кіруючых кадраў" Лукашэнка падпісаў 22 снежня. Сёння ён апублікаваны на Нацыянальным прававым партале.
Каб сачыць за галоўнымі навінамі, падпішыцеся на канал Еўрарадыё ў Telegram.
Мы штодня публікуем відэа пра жыццё ў Беларусі на Youtube-канале. Падпісацца можна тут