Крым 22 лістапада застаўся без электрычнасці. Гэтую інфармацыю пацвердзілі ў мясцовым МНС і кампаніі "Крымэнерго".
"Крым цалкам адключаны, падрабязнасьцяў паведаміць пакуль не магу", – заявіў ТАСС дырэктар кампаніі "Крымэнерго" Віктар Плакіда.
Раніцай у пятніцу ў Херсонскай вобласці выбухам былі пашкоджаны дзве апоры ЛЭП з-за чаго прыйшлося адключыць дзве з чатырох ліній электраперадач, якія сілкуюць Крым. Жыхароў паўвострава яшчэ вечарам пятніцы папярэдзілі пра магчымыя перабоі ў электразабеспячэнні і папрасілі эканоміць электрычнасць і зарадзіць акумулятары.
У суботу кіраўнік МУС Украіны Арсэн Авакаў паведаміў, што зазямленне пашкоджаных ЛЭП завершана. Позна ўвечары ў СМІ з'явіліся паведамленні аб паўторным выбуху, гэтая інфармацыя пакуль не пацверджана, але электрычнасці ў некаторых гарадах Крыму сапраўды няма. Гэта пацвярджаюць карыстальнікі сацсетак, якія жывуць на паўвостраве.
Карыстальнікі сацсетак паведамляюць, што ў некаторых раёнах свет з'явіўся.