kmitansambl / асабісты архіў
Малады і перспектыўны беларускі гурт пад назвай kmitansambl выпусціў дэбютны альбом. Лонгплэй “Сонца над пастарункам” уключае 8 кампазіцый, яны былі напісаныя цягам 2024 года.
“Тэматычна размаіты, гэты альбом — нізка простых і лаканічных музычных выказванняў”, — кажа фронтмэн гурта Вячаслаў Кміт.
Апроч Вячаслава (ён выканаў галоўную ролю ў фільме “Лебядзіная песня Фёдара Озерава), у гурце граюць Мікіта Арлоў (Applepicker, SOYUZ), Уладзь Лянкевіч (Syndrom Samazvanca, luty sakavik, Filamaty) і скрыпач Назар Лазар.
Каманду называюць унікальным творчым саюзам. Музыкі ставяць на эмацыйны вакал, мудрагелістую лірыку і ўсё добрае.
Альбом пісаўся ў хатніх умовах. Яго можна паслухаць тут: https://linktr.ee/Kmitansambl
Дарэчы, у пятніцу 26 чэрвеня Слава і Мікіта прэзентуюць плытку ў студыі Еўрарадыё. Не прапусціце!
Каб сачыць за галоўнымі навінамі, падпішыцеся на канал Еўрарадыё ў Telegram.
Мы штодня публікуем відэа пра жыццё ў Беларусі на Youtube-канале. Падпісацца можна тут