Наш агляд міжнародных навін
Еўрапейскія селебрыці зноў у цэнтры секс-скандалу. У гэты ж час у Паўднёва-Усходняй Азіі людзі паціху вырошчваюць мак, каб хоць так зарабіць на жыццё ва ўмовах ваеннай дыктатуры. Пра гэта і не толькі чытайце ў нашым аглядзе міжнародных навін.
Вядомага пісьменніка, аўтара бестсэллераў “99 франкаў”, “Каханне жыве тры гады”, на днях узялі пад арышт. Але ніхто не ведаў, з якой нагоды. У СМІ пісалі толькі, што перад гэтым 58-гадовага француза выклікалі на допыт у паліцэйскі ўчастак.
Радыёстанцыя France Info даведалася, у чым справа. Па звестках рэдакцыі, у паліцыю звярнулася маладая жанчына з французскага горада По. Яна сцвярджае, што сёлета ў гатэлі Villa Navarre, якім з 2011 па 2015 год валодаў пісьменнік, яна мела сексуальную сувязь з пісьменнікам. Першы раз — паводле згоды, другі раз — без згоды.
Таксама крыніца радыё паведаміла, што Бегбедэр падтрымліваў зносіны з дзяўчынай на працягу некалькіх месяцаў. Раман пачаўся, калі ёй было 17 гадоў.
Бегбедэра пасля допыту вызвалілі з участка. Ён сам пракаментаваў інцыдэнт, але даволі іранічна. Ён падзякаваў паліцэйскім за тое, што яго так ветліва сустрэлі, але ў яго ёсць дзве заўвагі.
“Курынае кары было сухое, і мая машына апынулася на штрафстаянцы, пакуль я знаходзіўся пад вартай у паліцыі ўсяго некалькі гадзін. Перад гэтым паліцэйскім участкам дакладна не хапае паркоўкі”, — напісаў Бегбедэр.
Пракурор горада По Радольф Жары падрабязнасцяў справы не раскрыў. Сказаў толькі, што расследаванне працягваецца, а пісьменнік “аспрэчыў факты”, якія яму выставілі ў якасці абвінавачання. І нагадаў, пакуль яны не даказаныя ў судзе, варта паважаць прэзумпцыю невінаватасці.
Што праўда, паміраць ён пакуль не збіраецца, нягледзячы на працяглыя праблемы са здароўем. І пра адстаўку таксама не задумваецца. Пра гэта пантыфік сказаў у інтэрв'ю мексіканскаму тэлебачанню "Н Плюс".
Папа Францішак сказаў, што не хацеў бы, каб яго пахавалі ў базіліцы Святога Пятра, як усіх яго папярэднікаў.
"Я заўсёды абяцаў гэта Багародзіцы, і месца падрыхтаванае ўжо, я хачу, каб мяне пахавалі ў Санта-Марыя-Маджорэ", — кажа пантыфік напярэдадні свайго 87-годдзя.
У гэтым годзе пантыфіку зрабілі аперацыю па выдаленні грыжы. Яна прайшла паспяхова, але яму ўсё яшчэ цяжка хадзіць — ён перасоўваецца на вазку і з кійком. Летам Папа хварэў на запаленне лёгкіх, а нядаўна зноў перанёс цяжкі грып з бранхітам. Але ён працягвае выконваць сваю службу і нават час ад часу ўдзельнічае ў паездках.
Гучыць дзіўна, але пасля таго, як кіроўны ў Афганістане "Талібан" увёў забарону на вырошчванне маку, краіна страціла лідарства па нелегальнай вытворчасці опіуму ў свеце. Эстафету падхапіла М’янма, гаворыцца ў справаздачы Арганізацыі Аб'яднаных Нацый. У Афганістане жа вытворчасць опіуму амаль што вынішчылася — скарацілася на 95% ад таго аб’ёму, што быў да талібаў.
М’янма ў 2023 вырабіла прыкладна 1080 метрычных тон опіуму. І гэта рэкорд з 2001 года. ААН прыходзіць да высновы, што калі забарона на апіяты ў Афганістане працягнецца, то ў свеце ўзнікне дэфіцыт гераіну. Які ўсё адно хтосьці будзе запаўняць — і хутчэй за ўсё, краіны Паўднёва-Усходняй Азіі.
І паколькі ў дзяржаве расце інфляцыя, а працы няма і множыцца беднасць, эксперты прагназуюць, што ўсё больш насельніцтва будзе ўцягвацца ў вырошчване мака, каб зарабляць на жыццё.
Каб сачыць за галоўнымі навінамі, падпішыцеся на канал Еўрарадыё ў Telegram.
Мы штодня публікуем відэа пра жыццё ў Беларусі на Youtube-канале. Падпісацца можна тут