Актывісты апазіцыі адзначылі неафіцыйны Дзень беларускай вайсковай славы мітынгам на прыступках Вялікага тэатра оперы і балета. Акцыя адбылася ў рамках перадвыбарчага пікета, які ладзіла Партыя БНФ.
Удзел у акцыі прынялі некалькі дзясяткаў чалавек. Святар Леанід Акаловіч з аўтакефальнай царквы заклікаў памятаць гетмана Канстанціна Астрожскага, "нашага Геркулеса" які перамог ворагаў з усходу.
Вячаслаў Сіўчык у сваім выступе заклікаў улады вызваліць актывістаў, якіх затрымалі напярэдадні акцыі, якая мусіла адбыцца каля расійскай амбасады.
Закончыўся мітынг спевам нацыянальнага гімна "Магутны Божа".