19 лютага ў новым клубе Ili прайшло “Адборышча”. Журы, у склад якога ўвайшлі арганізатары фэста маладой беларускай музыкі, журналісты і музыкі, абралі чатыры гурты, якія пазмагаюцца за перамогу ў межах конкурсу “Басовішча-2016”. Фіналістамі сталі гітарна-барабанны дуэт .К, электронны праект Intelligency, рок-інструменталісты The Glitchhh і хард-кор-гурт M.G. Свой стракаты выбар журы абумовілі жанравай разнастайнасцю, якую ў апошнія гады прапагандуе фестываль.
Пасля конкурснай часткі на сцэну Ili выйшлі колішнія пераможцы “Басовішча”: Navi, Ilo&Friends і Akute.
Фестываль маладой беларускай музыкі "Басовішча-2016" пройдзе 22-23 ліпеня ў Гарадку пад Беластокам.