Гомельская філія "Белавіянавігацыі" патлумачыла канфуз, які здарыўся ў мясцовым аэрапорце з амерыканскім гуртом Red Hot Chili Peppers. Начальнік прадпрыемства накіраваў ліст начальніку Гомельскай мытні, у якім патлумачыў сітуацыю з аўтографамі музыкаў амерыканскага гурта. Ён падкрэсліў, што мытнікі не маюць да яе ніякага дачынення, аўтографы ў VIP-зале ў музыкаў брала работніца службы сервісу.
Удзельнікі гурта RHCP ляцелі ў Маскву з Кіева. У гомельскім аэрапорце ў іх была кароткая перасадка. Пазней басіст гурта Флі (Майкл Бэлзары) змясціў фота ў Instagram і напісаў, што беларускія мытнікі настойліва папрасілі падпісаць некалькі дыскаў і фотаздымкаў Metallica, нягледзячы на пратэсты, што яны да гэтага гурта не маюць ніякага дачынення. Атрымліваецца, што музыка пераблытаў мытнікаў з "работніцай службы сервісу".
To see this content visit the full version of this page.