Літоўскі прэзідэнт Гітанас Наўседа заявіў пра ўцечку сакрэтнай інфармацыі з МЗС Літвы, паведамляе Delfi. Яна адбылася ў выніку кібератакі і "можа нанесці вялікі ўрон, перш за ўсё, у дачыненні да саюзнікаў", падкрэсліў ён.
У Літве праводзяць расследаванне здарэння і пакуль няма поўнай карціны. "Аднак ёсць пэўныя прыкметы, якія паказваюць, што адбылася ўцечка некаторай інфармацыі, — кажа Наўседа. — І гэта інфармацыя з грыфам "сакрэтна". Іншыя падрабязнасці прэзідэнт Літвы вырашыў не агучваць.
У Міністэрстве ўнутраных спраў Літвы не выключаюць сувязі паміж хваляваннямі ў лагеры мігрантаў, беспарадкамі ў Вільні і кібератакай на Міністэрства замежных спраў.
Па некаторых даных, скрадзена паўтара мільёна дакументаў — перапіска МЗС Літвы з літоўскімі амбасадамі, з партнёрамі па NATO. У іх ёсць і згадкі пра Беларусь.
Каб сачыць за галоўнымі навінамі, падпішыцеся на канал Еўрарадыё ў Telegram.
Мы штодня публікуем відэа пра жыццё ў Беларусі на Youtube-канале. Падпісацца можна тут