Генеральны штаб ваенна-паветраных сіл Турцыі паведаміў, што расійскі самалёт, які парушыў турэцкую мяжу, быў папярэджаны 10 разоў на працягу 5 хвілін. Але пілоты не адрэагавалі, таму "у межах вядзення баявых дзеянняў два знішчальнікі F-16 паветраных сіл Турцыі ўмяшаліся".
У заяве генштаба гаворыцца, што расійскі СУ-24 быў збіты ў 9:20 па мясцовым часе ў правінцыі Хатай у раёне горада Яйладагы.
Расійскае Мінабароны заяўляе, што самалёт знаходзіўся выключна над тэрыторыяй Сірыі.