У Мінску каля кватэры, у якой адбыўся пажар, павесілі трэці білборд супраць курэння. Гэтае фота Uladzimir Parr зрабіў на скрыжаванні вуліц Бяды і Някрасава, ды выклаў у Facebook. На білбордзе змешчаны заклік спыніць курэнне ў ложку.
Як паведамляла Еўрарадыё, кватэра на 6-м паверсе ў шматпавярховіку справа ад дома, на якім павесілі банер, гарэла ўдзень 5 сакавіка. Ратавальнікі тады выратавалі 5 чалавек, 12 чалавек эвакуявалі, пацярпелых не было. На фота пажару можна пабачыць, што ў той час на сцяне дома былі два аднолькавыя білборды. Цяпер іх стала тры.