З'явіліся фотаздымкі незвычайных рэчаў, якія забралі ў пасажыраў у Нацыянальным аэрапорце Мінск у 2016 годзе. Як паведамляе агенцтва "Мінск-навіны", у грамадзяніна Японіі знайшлі муляжы баявых гранат. У іншых пасажыраў — нож у выглядзе банкаўскай карткі, нож-крыжык, самаробную рагатку, дэкаратыўныя кайданкі з "сэкс-шопу", рамень-кастэт, запячатаную банку растваральнай кавы з нажом ўнутры, дэкаратыўныя булаву, сякеру і штопар, самаробны інструмент з круком, скураны бранзалет з металічнымі шыпамі, скураную пальчатку з ушытым дробным шротам.