На Брусельскім фэсце незалежнага кіно ўзнагароду атрымаў фільм беларускай рэжысёркі Нікі Ніканавай “Generation 328”. Ён быў адзначаны ў катэгорыі "Найлепшы кароткі дакументальны фільм".
Фільм распавядае пра "Матчын рух 328" — аб'яднанне жанчын, чые дзеці атрымалі вялізныя турэмныя тэрміны па "наркатычным" 328-м артыкуле Крымінальнага кодэкса. Большасць удзельніц руху “Маці 328” даводзяць, што іх дзяцей з дапамогай ускосных і няпэўных доказаў незаслужана асудзілі як распаўсюднікаў наркатычных рэчываў і ўдзельнікаў нейкіх арганізаваных груп, хаця яны былі ўсяго толькі спажыўцамі.
Сама Ніка Ніканава загінула ў ліпені 2019 года на Алясцы, куды адправілася ў вясельнае падарожжа. 24-гадовую дзяўчыну змыла рэзкім патокам вады падчас пераправы праз раку.
Каб сачыць за галоўнымі навінамі, падпішыцеся на канал Еўрарадыё ў Telegram.
Мы штодня публікуем відэа пра жыццё ў Беларусі на Youtube-канале. Падпісацца можна тут