Дзіця без пашпарта. Даведаліся ў юрысткі, як вырашыць праблему ў Польшчы

Чытаць болей: Угроза национальной безопасности. Белорусов стали чаще депортировать из Польши

Калі бацькі самі чакаюць дазволу, яны могуць уключыць дзіця ў сваю працэдуру. У такіх выпадках да справы дадаецца арыгінал пасведчання аб нараджэнні, і пасля дзіця атрымлівае такі ж прававы статус, як і бацькі.

Калі бацькі ўжо легалізаваныя ў Польшчы, яны павінны пачаць працэдуру для дзіцяці: спачатку пішуць заяву ад імя дзіцяці і далей як апекуны прадстаўляюць яго інтарэсы.

Сітуацыя 2. Калі ехаць у Беларусь не страшна

Людзі могуць жыць за мяжой і не баяцца ездзіць на радзіму. У такім выпадку пасля нараджэння дзіцяці трэба паехаць у Беларусь і зрабіць дакументы паводле заканадаўства сваёй краіны.

Бацькі робяць дзіцяці пашпарт у Беларусі і на падставе візы вяртаюцца ў Польшчу. Далей дзіця могуць легалізаваць за мяжой таксама на падставе статусу бацькоў. Гэта можа быць і часовы побыт, і сталы побыт, і карта рэзідэнта і г. д.

З усім гэтым вам дапамогуць у любым польскім ваяводстве.

Сітуацыя 3. Калі бацькі не хочуць ехаць у Беларусь, але гатовыя ісці ў амбасаду

Падчас кансультацый у юрыстаў бацькі часта кажуць, што не хочуць вяртацца ў Беларусь, але хацелі б атрымаць, напрыклад, часовы від на жыхарства для дзіцяці. 

Чытаць болей: Что делать и куда обращаться, если белорус умер в Польше?

У прынцыпе, працэдуры прадугледжваюць магчымасць легалізавацца без пашпарта ці праязнога дакумента, але ў такім выпадку трэба падаваць любы іншы дакумент, які пацвярджае асобу. Калі дзіця нараджаецца ў Польшчы, на жаль, у яго ёсць толькі пасведчанне аб нараджэнні — гэтага недастаткова.

У такіх выпадках, калі бацькі гатовыя звярнуцца ў сваю амбасаду, яны могуць атрымаць там пасведчанне на вяртанне ў Беларусь (дакумент, які пацвярджае права ўладальніка на аднаразовы ўезд у краіну ў тэрміны, вызначаныя ў ім, і які засведчвае асобу ўладальніка дзеля аднаразовага ўезду). Такі дакумент дадаецца да справы па легалізацыі. Такім чынам дзіця можа атрымаць часовы ці сталы від на жыхарства ў Польшчы.

Калі пашпарт няпоўнагадовага трэба мяняць

Калі ехаць у Беларусь ці ісці ў амбасаду небяспечна, ёсць толькі адна працэдура, якая дапаможа жыць у Польшчы легальна, — гэта міжнародная абарона. На жаль, калі ў дзіцяці няма іншага дакумента, які пацвярджае асобу, інакш легалізаваць яго не атрымаецца.

У Польшчы пытанні па атрыманні міжнароднай абароны разглядае толькі Упраўленне па справах замежнікаў у Варшаве. Але вы можаце скласці заяву і звярнуцца ў памежную службу па месцы жыхарства, адкуль вашы дакументы перашлюць куды трэба.

Калі пашпарта і карты побыту недастаткова

Паводле правілаў еўрапейскага заканадаўства, каб замежнік мог жыць і падарожнічаць па ЕС, яму неабходна аформіць польскі праязны дакумент. 

Чытаць болей: Польша продлила упрощённую выдачу проездного документа для белорусов

Перасякаць межы Польшчы з іншымі краінамі без праязнога дакумента нельга, а праязны дакумент дзіцяці можна зрабіць толькі пасля яго легалізацыі ў Польшчы (напрыклад, яно мусіць мець часовы ці сталы від на жыхарства або дадатковую абарону).

Каб атрымаць польскі праязны дакумент, трэба звярнуцца ў ваяводскае ўпраўленне (туды ж, дзе замежнікі праходзяць легалізацыю).

Інакш будзе толькі ў выпадку з міжнароднай абаронай. Міжнародную абарону надае шэф па справах замежнікаў. Статус уцекача прадугледжвае выдачу жэнеўскага праязнога дакумента. Ён будзе выдадзены ва Упраўленні пра справах замежнікаў.

Не цягніце з дакументамі — вас могуць дэпартаваць

Важна разумець, што кожны замежнік мае абавязак легалізавацца ў Польшчы. Вельмі часта да юрыстаў звяртаюцца людзі, якія не толькі не маюць пашпарта, але яшчэ і не легалізаваліся. Спецыялісты папярэджваюць, што такія сітуацыі могуць мець вельмі дрэнныя наступствы — ажно да дэпартацыі. Вырашаць праблему пастфактум цяжка, таму бацькам трэба загадзя клапаціцца, каб у дзяцей былі ўсе неабходныя дакументы.

Юрыдычную кансультацыю можна атрымаць у Цэнтры беларускай салідарнасці.