Двое грамадзян Беларусі загінулі і адзін пацярпеў у выніку дарожнай аварыі на трасе Варшава — Беласток у Польшчы. Здарэнне адбылося раніцай 25 лютага каля 9.00. Як перадае БЕЛТА са спасылкай на МЗС Беларусі, легкавік з беларускімі нумарамі сутыкнуўся з грузавой фурай, якая выскачыла на сустрэчную паласу.
У легкавіку было чатыры чалавекі. Апроч траіх беларусаў там быў яшчэ грамадзянін Расіі, ён загінуў. Пацярпелы беларус трапіў у лякарню, яго жыццю нічога не пагражае.
Кіроўца вялікагруза тлумачыць прычыну здарэння тым, што ў яго машыне лопнула кола.