Беларуская асацыяцыя спартыўнай прэсы намінавала беларускую біятланістку Дар’ю Домрачаву на прыз World Fair Play Awards імя П’ера дэ Кубертэна, інфармуе БЕЛТА. 20 студзеня падчас гонкі пераследавання на этапе Кубка свету ў Антхольцы Домрачава пабачыла, што перад фінішам італьянка Даратэя Вірэр згубіла палку, і не стала яе абганяць, у выніку заняла толькі трэцяе месца. Гэты ўчынак ацанілі беларускія спартыўныя журналісты і адправілі ў міжнародны камітэт Fair Play у Будапешт заяўку. Пра тое, хто атрымае гэты прыз, стане вядома ў канцы 2018 года.
Беларускія спартсмены раней ужо атрымлівалі прыз World Fair Play Awards. Гэта — барэц вольнага стылю Аляксандр Мядзведзь у 1983 годзе і тэнісіст Уладзімір Самсонаў у 2005-м. Дыплом у 2016-м атрымаў сабліст Сцяпан Папоў.