Аўтавытворца Daimler AG адклікае больш за тры мільёны дызельных аўтамабіляў Mercedes-Benz па ўсёй Еўропе. Прычынай такога рашэння стала спрэчка з эколагамі, якія сцвярджаюць, што дызельныя аўтамабілі пры пэўных умовах кіравання робяцца небяспечнымі для атмасферы.
Уладальнікі "Мерсэдэсаў" атрымаюць апавяшчэнні пра неабходнасць наведаць сэрвісны цэнтр. Будуць адкліканыя амаль усе аўтамабілі ўласнай вытворчасці з дызелямі Еўра-5 і Еўра-6.
У машынах абновяць праграмнае забеспячэнне, і гэта мусіць скараціць шкодныя выкіды. Працэс абнаўлення зойме каля гадзіны і будзе для кліентаў цалкам бясплатным. Чаго нельга сказаць пра аўтавытворцу: Daimler AG заплаціць за мадэрнізацыю 220 мільёнаў еўра.