За першае паўгоддзе 2019 года супрацоўнікі МУС выявілі 353 дзіцяці, якія пацярпелі ад сексуальнага гвалту. Гэта на 20 чалавек больш, чым за аналагічны перыяд 2018 года. Такія лічбы назваў начальнік 2-га ўпраўлення Галоўнага ўпраўлення па наркакантролі і супрацьдзеянні гандлю людзьмі крымінальнай міліцыі МУС Дзмітрый Цаюн, паведамляе TUT.by.
Часта ў сексуальныя злачынствы ўцягнутыя самыя блізкія людзі — дзядулі, бацькі, часам нават маці. За апошнія пяць гадоў чатыром такім маці былі выстаўленыя абвінавачванні: за грошы жанчыны дазвалялі гвалтаваць сваіх дзяцей і здымаць гэта на відэа.
Крымінальная справа на дзвюх такіх мацярок з Наваполацка ўжо трапіла ў суд. Дзве сястры за грошы і ежу дазвалялі мічуку тры гады гвалтаваць сваіх маленькіх дачок, здымаць усё на відэа і прадаваць ролікі на парнасайты. пры гэтым самі жанчыны яшчэ і дапамагалі гвалтаўніку. Адна з іх жыла разам з ім. Паводле інфармацыі МУС, у справу замяшаны таксама замежнік, які прымаў удзел у гвалтаванні дзяцей і быў заказчыкам парнаролікаў з імі. У МУС кажуць, што замежніка па просьбе Беларусі затрымалі, рыхтуецца яго экстрадыцыя ў нашу краіну.
МУС выступае з прапановай зрабіць больш жорсткім пакаранне за педафілію. Апытанне, праведзенае на сайце ведамства, паказала: больш за 85% апытаных падтрымліваюць увядзенне крымінальнай адказнасці за грумінг (сэксуальныя намёкі, спакушэнне праз інтэрнэт), а таксама за захоўванне дома дзіцячай парнаграфіі.