Былы сябар “стаўбцоўскага хлопца з нажом”: Многія ведалі, што ён п'е і паліць

Чытаць болей: СК: школьнік у Стоўбцах спярша зарэзаў настаўніцу гісторыі

“Гэта ўсё з-за адзнак”

Загінулая настаўніца гісторыі Марына Пархімовіч была ў ліку лепшых, падрыхтоўвала алімпіяднікаў. Вучні і калегі са школы пра яе вельмі добра адгукаліся:

"Настаўніца [якая загінула] вяла ў нас гісторыю і грамадазнаўства. Яна была адной з найлепшых у Стоўбцах. Маё асабістае меркаванне: гэта ўсё з-за адзнак. Па вучобе ён з'ехаў, і, можа, яму не падабалася гэта. А тыя двое параненых — гэта аднакласнікі. Яны ўсталі перад ім, пачалі яму казаць: што ты зрабіў, што ты нарабіў. І ён іх параніў. Потым ён яшчэ хлопчыка забіў. Ён бег па калідоры, забег у клас, і першага, на каго патрапіў, забіў".

Раніцай 11 лютага каля 8 раніцы вучань Стаўбцоўскай сярэдняй школы № 2 у нанёс нажавыя раненні настаўніцы і траім школьнікам. Жанчына і адзін з падлеткаў ад атрыманых пашкоджанняў памерлі. Двое астатніх былі шпіталізаваныя.

Хлопчык паспрабаваў уцячы. Але яго у выніку буйнамаштабнай аперацыі затрымалі супрацоўнікі крымінальнага вышуку пры падтрымцы АМАП.