На тэлеканале "Беларусь 1" паказалі прыгожыя меркаванні аб выбарах з сацсетак. Еўрарадыё вырашыла праверыць, ці існуюць гэтыя людзі і іх меркаванні на самой справе. Знайшлі не ўсіх.
Першае меркаванне ад Соф'і Пілеўскай, акурат "ВКонтакте". Запіс гэтага чалавека існуе, праўда рэальнасць акаўнта выклікае сумнеў. У Соф'і няма ніводнага асабістага фота, а запісы яна рабіла тры разы: у дзень рэгістрацыі, 9 верасня 2015 года, на наступны дзень і сёння аб выбарах.
Астатніх двух меркаванняў Ігара Кента (у Facebook) і Ангеліны Карабаевай ("ВКонтакте") аб выбарах у сацсетках знайсці не ўдалося. Акаўнты з такімі імёнамі ёсць, але ў гэтых акаўнтах няма практычна ніякіх запісаў. Магчыма, яны ўжо выдаленыя з нейкай прычыны.