У Варшаве прадстаўнікі Беларускага Нацыянальнага Кангрэса правялі прэс-канферэнцыю.
Перад журналістамі выступілі лідары БНК Мікалай Статкевіч і Уладзімір Някляеў, а таксама кіраўнік "Еўрапейскай Беларусі" Андрэй Саннікаў.
Выступоўцы запэўнілі: нягледзячы на тое, што раней яны вылучаліся кандыдатамі ў прэзідэнты паасобку, цяпер яны гатовыя аб'яднацца перад пагрозай інкарпарацыі Беларусі з боку Расіі. Яны ідуць на прэзідэнцкія выбары з мэсэджам захавання незалежнасці Беларусі і гатовыя вылучыць адзінага кандыдата. Такім кандыдатам ад іх стане Мікалай Статкевіч.
Палітыку праз яго непагашаную судзімасць могуць адмовіць у рэгістрацыі. У такім выпадку Нацыянальны кангрэс гатовы падтрымаць правацэнтрысцкую кааліцыю, калі ад яе будзе вылучаны Павел Севярынец.