Новае графіці на руінах адной з разбураных шматпавярховак / instagram.com
Новае графіці самага вядомага мастака стрыт-арта з'явілася ў пасёлку Барадзянка Кіеўскай вобласці. Мастак адлюстраваў дзяўчынку на сцяне разбуранага дома, яна як быццам бы стаіць на руках сярод абломкаў шматпавярховіка. Фатаграфію малюнка мастак загрузіў у свой Instagram, дзе публікуе выключна ўласныя працы.
Барадзянка — адзін з самых пацярпелых ад расійскай агрэсіі горад Кіеўскай вобласці. У красавіку, пасля таго як расійскія войскі выйшлі з Кіеўскай вобласці, ўкраінскі журналіст Раман Бачкала пісаў, што "Барадзянка — гэта горш, чым Буча. Спрабаваў знайсці хоць адзін прыстойны дом, не змог".
Бэнксі — псеўданім сусветна вядомага мастака графіці. Яго сапраўднае імя да гэтага часу невядома.
Каб сачыць за галоўнымі навінамі, падпішыцеся на канал Еўрарадыё ў Telegram.
Мы штодня публікуем відэа пра жыццё ў Беларусі на Youtube-канале. Падпісацца можна тут