Вынікі абстрэлу ў Белгарадзе
У расійскім Белгарадзе ўдзень 30 снежня пралуналі выбухі. Мясцовыя ўлады паведамляць пра абстрэл з боку Украіны.
Снарады патрапілі ў цэнтр горада. Яго цяпер перакрываюць, над горадам падымаецца чорны дым.
Па звестках "губернатара" Вячаслава Гладкова, у выніку выбухаў загінулі двое дзетак. Ён сцвярджае, што адзін са снарадаў трапіў у гандлёвы цэнтр побач з адміністрацыяй вобласці.
29 снежня расійскія войскі зладзілі адну з найбольш маштабных атак па ўкраінскіх рэгіёнах. У выніку загінулі сама меней 36 чалавек.
Каб сачыць за галоўнымі навінамі, падпішыцеся на канал Еўрарадыё ў Telegram.
Мы штодня публікуем відэа пра жыццё ў Беларусі на Youtube-канале. Падпісацца можна тут