"Іскандэр" у Беларусі / t.me/modmilby/
Беларускія вайскоўцы пачалі цалкам самастойна працаваць з "Іскандэрам", паведамляе прэс-служба Мінабароны РБ. Аператыўна-тактычны ракетны комплекс быў атрыманы ад Расіі ў канцы мінулага года. Ён прызначаны для знішчэння сістэмаў супрацьпаветранай абароны, камандных пунктаў, авіяцыі на аэрадромах, аб'ектаў інфраструктуры, караблёў.
Беларускія вайскоўцы прайшлі навучанне ў Расіі. Практычная падрыхтоўка адбылася на палігонах у Беларусі.
У Мінабароны РБ сцвярджаюць, што ў нашай краіне ёсць "дастатковы запас ракет да комплексу". Падкрэсліваюць, што ўдары могуць наносіцца на адлегласці да 500 кіламетраў (раней ракетныя войскі маглі наносіць удары да 300 км).
Каб сачыць за галоўнымі навінамі, падпішыцеся на канал Еўрарадыё ў Telegram.
Мы штодня публікуем відэа пра жыццё ў Беларусі на Youtube-канале. Падпісацца можна тут