Фота: TUT.by
12 ліпеня БАТЭ не змог перайграць "Алашкерт" у першым матчы кваліфікацыі футбольнай Лігі чэмпіёнаў. Выніковы кошт сустрэчы на "Барысаў-Арэне" — 1:1. Прычым абодва галы: спачатку ў чужыя, а потым і ў свае вароты — забіў паўабаронца БАТЭ Аляксей Рыас.
У першым тайме футбалісты БАТЭ валодалі ініцыятывай і мелі некалькі добрых момантаў. Але забіць змаглі толькі аднойчы: Аляксей Рыас замкнуў навес Мікалая Сігневіча.
Другі тайм барысаўчане таксама пачалі бадзёра, але потым сталі дазваляць "Алашкерту" вылазкі на сваю палову поля. БАТЭ па-ранейшаму ствараў шмат момантаў для ўзяцця варот, але атакі рабіліся ўсё менш вострымі.
А вось армяне раз за разам сталі пагражаць брамы беларусаў. У выніку адзін з прастрэлаў у штрафную Дзяніса Шчарбіцкага скончыўся няёмкім рыкашэтам. Мяч трапіў у Рыаса і адскочыў у сетку варот барысаўчан.
Матч у адказ пройдзе ў Арменіі 18 ліпеня.
"Можа, супернік прыстасаваўся, а можа, нас пачалі пакідаць сілёнкі. Іваніч папрасіў замену, Гардзяйчук папрасіў замену... Нешта не так мы пабудавалі", — адразу пасля матчу пракаментаваў гульню Аляксандр Ермаковіч, галоўны трэнер БАТЭ.
To see this content visit the full version of this page.