Прэзідэнт ЗША Барак Абама павіншаваў з 100-мі ўгодкамі з дня нараджэння беларуса Язэпа Лешчанку (паэта Міхася Кавыля). Ён нарадзіўся на Случчыне 1 снежня 1915-га. Быў рэпрэсаваны савецкімі ўладамі. Падчас Другой сусветнай вайны служыў у Чырвонай Арміі, трапіў у нямецкі палон. Пасля вайны прыехаў у Злучаныя Штаты, жыве ў горадзе Саўт-Рывер, адным з цэнтраў беларускай дыяспары.
Як паведамляе "Наша ніва", 29 лістапада юбілей Міхася Кавыля адзначылі яго сваякі і сябры. У царкве святой Еўфрасінні Полацкай хор прапяяў юбіляру "Многая лета".
Фота: nn.by