У бальніцы / pixabay.com
Арганізацыі аховы здароўя, якія з другой спробы не змогуць атрымаць медыцынскую акрэдытацыю, будуць пазбаўлены ў Беларусі бюджэтнага фінансавання на наступны фінансавы год. Размова ідзе аб фінансаванні бягучых расходаў. Аплата камунальных паслуг сюды не ўваходзіць. Пра гэта гаворыцца ў пастанове Савета міністраў, апублікаванай на Нацыянальным прававым інтэрнэт-партале.
Бюджэтныя грошы абрэжуць на аказанне відаў меддапамогі "па профілях захворванняў, станам, сіндромам", на якія медустановы не змаглі атрымаць пасведчанне аб адпаведнасці базавым крытэрам медыцынскай акрэдытацыі.
У дадатку да пастановы пералічаны ўсе арганізацыі, якія павінны атрымліваць медакрэдытацыю. У спісе — 464 установы. Гэта паліклінікі, бальніцы і разнастайныя медцэнтры.
Каб сачыць за галоўнымі навінамі, падпішыцеся на канал Еўрарадыё ў Telegram.
Мы штодня публікуем відэа пра жыццё ў Беларусі на Youtube-канале. Падпісацца можна тут