Крысціна Цімановская
/ tvp.pl
Беларуская лёгкаатлетка Крысціна Ціманоўская, якая выступае за зборную Польшчы, расказала выданню Sport.pl пра сваю сям'ю, што засталася на радзіме. Яны не бачыліся каля пяці гадоў.
Спартсменка адзначыла, што ў яе бацькоў "шмат праблем", і падкрэсліла, што не бачылася з імі з 2021 года.
З роднымі яна не можа сустрэцца, бо яе бацька "знаходзіцца пад хатнім арыштам", а мама "побач з ім".
Крысціна Ціманоўская не ўдакладніла, за што было прызначана пакаранне яе тату.
З бацькамі спартсменка перыядычна размаўляе па відэасувязі, але здаралася, "што некалькі месяцаў запар" нават так не ўдавалася пагаварыць, бо да бацькоў прыходзілі "розныя людзі", і гэта "было б для іх небяспечна".
Каб сачыць за галоўнымі навінамі, падпішыцеся на канал Еўрарадыё ў Telegram.
Мы штодня публікуем відэа пра жыццё ў Беларусі на Youtube-канале. Падпісацца можна тут