Жаночая тэнісная асацыяцыя (WTA) абнародавала абноўлены рэйтынг. У яго вярнулася беларуска Вікторыя Азаранка — яна займае 678-е месца. Дзякуючы выхаду ў другі круг турніру на Мальёрцы Азаранка набрала 30 ачкоў.
Першай ракеткай свету па-ранейшаму застаецца немка Ангеліка Кербер (6965 ачкоў). Следам за ёй ідзе румынка Сімона Халеп (6850), замыкае тройку лідараў чэшка Караліна Плішкава (6386).
Сярод беларусак найлепшыя вынікі мае Аляксандра Сасновіч — у яе 87-е месца (708).