Дзяржынскі "Арсенал" не атрымаў ліцэнзію Беларускай федэрацыі футбола. Пра гэта стала вядома па выніках пасяджэння камітэта па клубным ліцэнзаванні АБФФ, на якім разглядаліся заяўкі на сезон 2022 года. "Арсеналу" адмовілі з-за "невыканання асобных спартыўных і кадравых крытэрыяў". Клуб можа абскардзіць такое рашэнне на працягу трох дзён у апеляцыйным камітэце.
Іншыя 15 каманд ліцэнзаванне прайшлі. Гэта — "Шахцёр", БАТЭ, мінскае і брэсцкае "Дынама", "Гомель", "Рух", "Нёман", "Віцебск", "Тарпеда-БелАЗ", "Слуцк", "Мінск", "Іслач", "Славія", "Энергетык-БДУ", "Белшына".
"Арсенал" — прыватны клуб. Летась ён выйграў чэмпіянат у першай лізе беларускага чэмпіянату і заваяваў пуцёўку ў эліту.
Каб сачыць за галоўнымі навінамі, падпішыцеся на канал Еўрарадыё ў Telegram.
Мы штодня публікуем відэа пра жыццё ў Беларусі на Youtube-канале. Падпісацца можна тут