Анатоль Лябедзька заявіў, што будзе дзясяты раз балатавацца на пасаду старшыні партыі, піша сайт ucpb.org.
Справаздачна-выбарчы з'езд Аб'яднанай грамадзянскай партыі пройдзе 8 ліпеня. Дагэтуль пра вылучэнне сваіх кандыдатураў заяўлялі Васіль Палякоў, Ганна Канапацкая, Мікалай Казлоў.
Анатоль Лябедзька, які кіруе партыяй з 2000 года, раней казаў, што не будзе вылучаць сваю кандыдатуру на бліжэйшых выбарах. Аднак 26 чэрвеня палітык заявіў: "Я ў гульні. Я ў спісе кандыдатаў. Усё астатняе — 8 ліпеня".
Цяпер кіраўнік АГП знаходзіцца па-за межамі Беларусі — ён прымае ўдзел у працы Парламенцкай Асамблеі "Еўранэст".