Мужчыну асудзілі на 2,5 гады калоніі агульнага рэжыму за жаданне стаць добраахвотнікам ва Украіне. Працэс адбыўся ў Брэсцкім абласным судзе, паведамляюць праваабаронцы.
Абвінавачаны — 37-гадовы жыхар Брэста Сяргей Вайцюк. Гэта першы чалавек у Беларусі, якога асудзілі за "замах на ўдзел на тэрыторыі замежнай дзяржавы ў ваенных дзеяннях" пасля пачатку вайны ва Украіне.
Паводле абвінавачвання, Вайцюк у сярэдзіне красавіка накираваўся на таксі ў Маларыцкі раён, а там паехаў у памежную зону. Там ён папрабаваў перайсці мяжу з Украінай, аднак быў затрыманы беларускімі сілавікамі.
Каб сачыць за галоўнымі навінамі, падпішыцеся на канал Еўрарадыё ў Telegram.
Мы штодня публікуем відэа пра жыццё ў Беларусі на Youtube-канале. Падпісацца можна тут