Пераменная воблачнасць чакаецца ў Беларусі ўначы 21 чэрвеня. Удзень будзе воблачна з праясненнямі. Пра гэта агенцтву БЕЛТА паведамілі ў Рэспубліканскім цэнтры па гідраметэаралогіі, кантролі радыеактыўнага забруджвання і маніторынгу навакольнага асяроддзя Мінпрыроды.
Будзе пераважна без ападкаў. Вецер прагназуецца паўднёва-заходні, паўднёвы 5-10 метраў за секунду, удзень месцамі чакаюцца парывы да 14 метраў за секунду.
Слупок тэрмометра ўначы пакажа ад 10 да 16 вышэй за нуль, удзень ён падымецца да 24-30 градусаў.
Дарэчы, 22 чэрвеня месцамі па ўсходзе Беларусі прагназуюцца навальніцы, моцныя дажджы, зранку і ўдзень пры навальніцах чакаюцца парывы ветру да 15-20 метраў за секунду, магчымы град.