Пераменная воблачнасць і без ападкаў будзе ў Беларусі 20 чэрвеня. Пра гэта агенцтву БЕЛТА распавялі ў Рэспубліканскім цэнтры па гідраметэаралогіі, кантролі радыеактыўнага забруджвання і маніторынгу навакольнага асяроддзя Мінпрыроды.
Зранку месцамі чакаецца слабы туман. Вецер прагназуецца заходні 5-10 метраў за секунду, парывы дасягнуць 14 метраў за секунду.
Уначы будзе +11...+17 градусаў. Удзень тэмпература паветра прагрэецца да 21-27 градусаў вышэй за нуль.