"Мінск" пасля ракетнага ўдару / t.me/yigal_levin/
З'явіліся здымкі са спадарожніка наступстваў удару па акупаваным расіянамі Севастопалі. Уначы ракетамі быў атакаваны марскі завод, на якім рамантавалі вялікі дэсантны карабель "Мінск" і дызель-электрычную падводную лодку "Растоў-на-Доне". Нягледзячы на заявы Мінабароны РФ, што яны адрамантуюць карабель, эксперты лічаць, што яго трэба аднесці да знішчаных. На здымках са спадарожніка відаць, што і падводная лодка атрымала значныя пашкоджанні.
Па інфармацыі Sky News, падчас атакі ўкраінцамі выкарыстоўваліся крылатыя ракеты з Вялікабрытаніі Storm Shadow. Украінскі бок гэта афіцыйна не пацвярджаў.
Брытанскі тэлеканал называе ўдар па заводзе "патэнцыйна найбуйнейшай атакай па расійскіх ваенна-марскіх аб'ектах за ўсю вайну".
To see this content visit the full version of this page.
Каб сачыць за галоўнымі навінамі, падпішыцеся на канал Еўрарадыё ў Telegram.
Мы штодня публікуем відэа пра жыццё ў Беларусі на Youtube-канале. Падпісацца можна тут